He xiica quiistox hizaax oo cöhapacta ha
Hant ziix quih áno toii ma ipacta, mos ziix quih an hant ipáh iic cöihiipe Comcaac Coi Hant Iti Yaii Hac, hant ziix quih án hant yaii hizac ziix quih hanso pocooo tax an hant ipáquiim hapaa ha, ziix quih hantx moca quih hocoaaj quih chaa xa ziix quih hantx moca Comcaac coi áno caahca quih hocoaaj coii hanso pocooo ta x án hant ipáquiim hapaa ha. Ox popácta tax ziix quih ipácta himaaj taax hasiyaj haa ha, ha poo cooo x iiqui ptee hapiih x yeen iiqui hasqueelac haa ha.
Comcaac coi ziix quih ocoaaj iicp yatoonlam xah ziix cmis coii haptco mos cöissanloj hac.
Cmaax haapi ptiiti ptee hacaailac haxpa ihax paa x, hapii ziix quih ptee haa sacoaaj haa ha, xiica quiistox hanxö iquii ptee piih x ziix quih an ihanloj quiyaj iha, hapx iicp hac iicp coii ziix quih hipacta quih quiiyaj taax xah he comcaac xiica quiistox taax hicot hipaaizi ta x ziix quih icatícpan aa taax hipomis taax cöhaapatícpan tax toc siihca haa ha, ox popácta tax ziix quiisax quih haquix piih x isxeen cöhii po caa tax quiipe haxpa iiha haxpaa ta x, iiqui cöhiiquih hipoomzo x iquii cöhii quiih quiiya ha. Cmaam quih caii quih chaa xah cmaa caii quih chaa xah, ox tpácta ma mos ctamcö coi mos ha oo haapácta ha hapii cqueepe tiix oo ha piij x iquii cöhiquiih quiiya ha,haa pocooo x ziix quiisax tazo hii zi pomis ptihax haa patícpan taax ziix quih miizj hant caap quih taax shaa ha.